Hindi naman lingid sa ating kaalaman na ang mga kilalang personalidad na magkakapatid ay mayroong magkaibang ama o ina. Gayunpaman, sa kabila nito ay nananatili pa din ang pagiging malapit nila sa isa't isa.
Narito ang mga personalidad na magkakadugo at magkakapatid ngunit magkaiba ang pinanggalingang ama at ina.
15. Garie, KC Concepion, at Cloie Syquia Skarne
Ang tatlong naggagagandahang personalidad na sina Garie, KC, at Cloie ay anak ni Gabby Concepcion. Ina ni Garie ang dating kasintahan ni Gabby na si Grace Ibuna. Samantala ang ina naman ni KC ay ang kilala at batikang singer at aktres na si Sharon Cuneta habang ang ina naman ni Cloie ay si Jenny Syquia. Kahit pa man ang magkakapatid ay lumaki ng malayo sa isa't isa ay nananatili pa din ang pagiging malapit nila sa isa't isa.
14. Jinggoy & Jude Estrada, JV Ejercito and Jake Ejercito
Sila ay ilan lamang sa mga naging anak ng dating Pangulo ng bansa na si Joseph Erap Estrada. And ina nina Jinggoy at Jude Estrada ay si Loi Ejercito samantala ang ina naman ni JV Ejercito ay ang dating Mayor ng San Juan at aktres na si Guia Gomez habang ang dating aktres naman na si Laarni Enriquez ang ina ni Jake.
13. Dani, Julia, at Cladia Barretto
Ang dating aktres at konsehal na si Marjorie Barretto ay naging open book ang buhay pag-ibig noong siya ay nasa showbiz industry pa lamang. Una niyang naka-relasyon ang aktor na si Kier Legaspi na nagbunga naman at ito ay ang panganay niyang anak na si Dani Barretto. Sumunod na naka-relasyon at unang pinakasalan ni Marjorie ay ang komedyanteng si Dennis Padilla at naging anak nila sina Julia at Claudia Barretto. Si Julia ay isa na sa mga kilalang aktres ngayon sa Pilipinas habang si Claudia naman ay nahilig sa pagkanta. Magkakaiba man ng ama ay hindi pa din nawala ang closeness nilang magkakapatid sa isa't isa.
12. Ian De Leon at Mariel De Leon
Ang kilala at beteranong aktor na si Christopher De Leon ay ang ama ng artista na si Ian De Leon at beauty queen na si Mariel De Leon. Si Ian na panganay na anak ni Christopher ay ang kaniyang biological son sa beteranang aktres at unang kasal niya kay Superstar Nora Aunor. Samantala, si Bb. Pilipinas International Mariel De Leon ay ang unang anak na babae ni Christopher sa aktres na si Sandy Andolong. Magkaiba man ang kanilang mga inna, siniguro naman ni Christopher na magiging magkakilala ang kaniyang mga anak at magtuturingan na parang iisang pamilya.
11. Gutierrez Siblings
Isa sa mga kilala at beteranong aktor na tinagurian bilang "Heatthrob" noong dekada 80s na si Eddie Gutierrez ay ang pamosong ama ng magkakapatid na sina Tonton, Monching, Ruffa, Richard, Raymond, Elvis, Rockie, at Ritchie Paul. Si Tonton Gutierrez ay anak ni Eddie sa batikang aktres na si Liza Loreno samanatalang si Pilita Corales naman ang ina na si Ramond Christopher o mas kilala bilang Monching. Habang ang starlet noon na si Annabelle Rama ang ina nina Ruffa, Richard, Raymond, Elvis, Rockie, at Ritchie Paul.
10. Vitto Marquez, Winwyn Marquez, Vandolph Quizon, at Mark Anthony Fernandez
Anak ni Alma Moreno si Mark Anthony sa action star na si Rudy Fernandez. Si Dolphy naman ang ama ni Vandolph Quizon. Samantala, ang ama naman nina Vitto at Winwyn Marquez ay ang komedyante na si Joey Marquez.
9. Daniel Padilla, RJ, at Roanna Padilla
Iisa ang kinikilalang ama nina Daniel, RJ, at Roanna. Umibig kasi sa magkaibang babae ang action star na si Rommel Padilla na kapatid ng aktor na si Robin Padilla. Si Daniel ang panganay na anak na lalaki ni Rommel sa aktres at TV host na si Karla Estrada. Samantala, sina RJ at Roanna ay anak ni Rommel sa non-showbiz wife nito na si Anabelle Antonio.
8. Jackie Lou Blanco at Monching Gutierrez
Si Pilita Corales ay ikinasal sa ama ni Jackie Lou Blanco na si Gonzalo Blanco. Si Pilita naman ay nagkaroon ng anak kay Eddie Gutierrez na si Ramon Christopher o mas kilala sa tawag na Monching.
7. Mark Anthony, Raphael, at Renz Fernandez
Hindi lang sa kapatid sa ina ang mayroon ang aktor na si Mark Anthony dahil nagkaroon din ito ng ibang kapatid sa ama. Ang action star na si Rudy Fernandez ay ikinasal sa aktres na si Lorna Tolentino at nagkaroon ng dalawang anak na lalaki na sina Raphael at Renz. Si Alma Moreno naman ang ina ni Mark Anthony.
6. Sotto siblings
Si Danica at Oyo Boy Sotto ay anak ng TV host na si Vic Sotto sa kilalang aktres na si Dina Bonnevie. Ang ina naman ni Vico Sotto ay si Coney Reyes. Habang ang dating aktres naman na si Angel Luz ang ina ni Paulina Sotto.
5. Ara Mina at Cristine Reyes
Sina Ara Mina at Cristine Reyes ay magkapatid sa ina na dating aktres na si Venus Imperial. Taong 2000 nang malaman ni Ara na ang kaniyang biological father ay si Chuck Mathay at hindi ang ama ni Cristine na si Romeo Reyes.
4. Eigenmann Siblings
Ang mga anak ng yumaong aktor na si Mark Gil ay mula sa iba't ibang ina. Ang mga anak nito sa dating aktres na si Irene Celebre ay sina Gabby at Aira. Ito ay nagkaroon din ng dalawang anak sa una nitong asawa at aktres din na si Bing Pimentel at ito ay sina Cid Lucero at Maxine Eigenmann. Ang relasyon naman niya sa aktres na si Jaclyn Jose ay nagbunga ng isang anak na si Andi Eigenmann.
3. CJ Ramos at Sherwin Ordonez
Nahuli sa isang buy bust operation ang dating sikat na child star noon na si CJ Ramos noong Hunyo 2018. Gayunpaman, nanatili pa din ang suporta ng kaniyang half-brother na dating dancer at isa na ngayong aktor na si Sherwin Ordonez.
2. Karylle Tatlonghari at Zia Quizon
Anim na taong gulang pa lamang si Karylle nang maghiwalay ang kaniyang ina na si Zsa Zsa Padilla at ang kaniyang ama na si Dr. Modesto Tatlonghari. Matapos nito ay kumalat naman ang balita na naging longtime partner nng kaniyang ina ang yumaong Philippine King of Comedy na si Dolphy na nagbunga ng isang anak na si Zia Quizon. Katulad ni Karylle, magaling din kumanta si Zia. Sa katunayan nga nyan ay nagkaroon sila ng isang back-to-back concert sa Australia noong 2013.
1. Jackie Forster at Mickey Ferriols
Magkapatid sa ama ang mga dating aktres na sina Jackie at Mickey. Si Mickey ay lumaki sa Pilipinas habang si Jackie naman ay sa United States. Parehas silang pumasok sa showbiz noong dekada 90s. Ang kanilang rebelasyon na sila ay magkapatid ay talagang ikinagulat ng marami. Kahit pa man sila ay lumaki ng magkahiwalay, hindi pa din ito naging hadlang para hindi sila makabuo ng close bond sa isa't isa.
No comments:
Post a Comment