Lumang Larawan Ng Komedyanteng Si Pooh Noong Kabataan Niya, Kinaaliwan Ng Mga Netizens

Tayong mga tagahanga at tagasubaybay sa ating mga paboritong artista, isa sa ating mga inaabangan sa kanilang buhay ay ang pagpo-post nila ng kanilang mga lumang larawan sa kanilang mga social media accounts. 

Sa ganoong paraan kasi ay nakikita natin kung ano ang kanilang mukha bago pa nila pasukin ang industriya ng showbiz at nakikita din natin kung sino talaga sila.

Marami sa atin ang bumibilib at humahanga sa ating mga iniidolong personalidad sa tuywing sila ay nagbabahagi ng kanilang mga lumang litrato habang ang iba naman sa kanila ay talagang nakakapagbigay ng goodvibes sa marami sa atin dahil sa mga nakakatawang caption ng kanilang post. 

Isa na nga dito ang komedyanteng si Pooh o Jay Patrick Roquero sa tunay na buhay. Si Pooh ay isa lamang sa mga komedyante na nakapagbigay sa atin ng walang hanggang kasiyahan at nagpatawa sa atin ng lubos dahil sa kaniyang mga nakakatawang hirit o joke. Bukod pa diyan, hinahangaan din ng marami si Pooh dahil sa kaniyang husay pagdating sa pagi-impersonate ng iba't ibang personalidad sa Pilipinas kagaya na lamang ng Boxing Champ at kasalukuyang senador ng bansa na si Manny Pacquiao.

Mas nakilala pa si Pooh nang siya ay maging miyembro ng comedy program ng ABS-CBN na 'Banana Split' kung saan nakasama din niya ang iba't ibang mahuhusay na artista at komedyante kagaya nina Angelica Panganiban, John Prats, Jayson Gainza, at marami pang iba.

Bukod sa kaniyang husay sa pagpapatawa, mas tumatak din sa puso ng mga manonood ang kaniyang pisikal na kaanyuan, lalo na ang pagkawala ng kaniyang buhok.

Sa post na ibinahagi ni Pooh sa kaniyang social media ay marami ang napahanga at bumilib nang makita nila sa unang pagkakataon ang komedyante at aktor na mayroong malagong buhok. Kaakibat ng lumang larawan niya na ito ay ang maikling caption na nagtatanopng kung sino ang nagsasabi na siya ay panot.

Umani naman kaagad ng iba't ibang komento mula sa mga netizens pati na din sa kapwa niya artista ang post na ito ni Pooh. May ilan pa nga na nagsabi na kahawig niya talaga ang Pambansang Kamao na si Manny Pacquiao noong siya ay mayroon pang buhok.