Xander Ford, Humihingi Ng Tulong At Nagmamakaawa Sa Social Media Dahil Sa Kaniyang Mga Nararanasan Ngayon

Si Marlou Arizala o mas kilala ngayon bilang si Xander Ford ay muli na namang gumawa ng ingay sa social media. Ito ay matapos niyang ibahagi ang kaniyang larawan kung saan makikita na siya ay nakaupo sa isang lamesa. 

Sa caption ng nasabing post, inilahad din ng social media star lahat ng problema na kinakaharap niya ngayon.

Hindi naman lingid sa kaalaman nating lahat ang mga natatanggap na batikos ni Xander mula sa online community dahil sa kaniyang mga maling nagawa noon. Matatandaan na binatik0s umano nito ang aktres na si Kathryn Bernardo.

Sa isang audio na kumalat online, maririnig na tila binabatikos at hinuhusgahan ni Marlou si Kathryn. Ngunit, ito ay mariin naman niyang pinabulaanan noong binigyan siya ng pagkakataon ni DJ Chacha na aminin ito at humingi ng tawad. Ngunit, tinanggi niya ito.

Makalipas ang ilang araw, ang buong video naman ng nasabing clip ay lumabas sa social media kung saan doon na makikita si Marlou na nagsasalita ng mga hindi magandang bagay tungkol kay Kathryn. Mula noon ay nakatanggap na din siya ng batikos sa mga netizens dahil sa kaniyang nagawa at dahil na din sa kaniyang pag-uugali.

Ngunit, kamakailan lamang ay humingi naman ng tulong si Xander sa publiko para sa kaniya at sa kaniyang pamilya. Ayon sa kaniya, nais niyang magkaroon ng personal computer nang sa gayon ay makapag-stream siya online at kumita ng pera.

Sa kaniyang post, inilahad pa ni Xander lahat ng kaniyang problema na pinagdadaanan ngayon. Isa na dito ang isyu niya sa kaniyang dating kasintahan na sinampahan siya ng kaso na s3xu*l abu$3d.

Narito ang buong post ni Xander:

"Sa totoo lang Pinipilit ko kumain sa araw araw kahit puro problema ang iniisip ko dahil isa ako sa libo libong kabataan na maaga nang namulat sa kahirapan dahil ganito naman talaga sa pilipinas e.

Una- dami kung binabayaran na mga utang ng Mama at papa ko

Pangalawa- nagbabayad ako ng Bahay,Tubig,Koryente, at pang araw araw naming gastusin sa bahay

Pangatlo- bayarin sa Pag aaral ng mga kapatid at pamangkin ko

Pang apat- problema sa mga kinakaharap kung Kaso

Panglima - problema

Sa Pag kukunan ng trabaho dahil wala na talaga akong maayos na trabaho. At syempre yung mga taong hinuhusgahan ako dahil sa itsura ko.

Madami akong mga bagay na Hindi ko alam paano ko matatapos at hindi ko alam paano ko uumpisahan

Gusto ko makatulong makaipon kahit konting panahon pa gusto ko matupad mga pangarap ng pamilya ko para sa amin pamilya

Isa nalang ang need ko yung mag karuon ako ng isang bagay na mag Bibigay ng Income para sa amin gusto ko mag Live stream gusto ko talaga mag work na at makaipon pa

Ps. Sobrang hirap na ng buhay namin ngayun sana kunting araw para sa pamilya ko.

Kahit sa konting dasal nalang po at respeto."